{أعز أنسان في عيونك}

{أعز أنسان في عيونك}

صوت حبيبي وقبل أقول : يا عونك

شكى جروحه ورحت اشكي له طعوني

يقول : ما أقدر أعيش اليوم من دونك

وأقول : حتى ولو ما عشت من دوني

يمكن أنا أكون أعز إنسان فعيونك

بس أنت والله كل الناس فعيوني

لا صرت ربعي وداري فيه جفوفك

وش دخل الناس خل الناس يجفوني

يكفيني أن أنت لا من قلت : وشلونك

تطيب كل الجروح ويختلف لوني

وان كانت منتب مصدقني على هونك

تعال طالع دروبك وين ودوني

أصبحت أجامل عداي اللي يحبونك

واكره مشاهد عداك اللي يحبوني

ومن كثر ما أحب واكره عنك وأصونك

أصبحت دفتر مشاعر وأنت مضموني

إن غبت عني شعرت بلذة طعونك

وان شفت زولك شعرت بقيمة عيوني

الشاعر : فهد المساعد

فديت عذب القصيد
....

عدد الرسائل : 260 تاريخ التسجيل : 15/10/2008

أصبحت أجامل عداي اللي يحبونك

واكره مشاهد عداك اللي يحبوني

يسلمووو يالغلا ولا يحرمنا من جديدك

عدد الرسائل : 593 تاريخ التسجيل : 11/09/2008

يسلمووووو (كــل الغــلا)
من اروع الابيات

يمكن أنا أكون أعز إنسان فعيونك

بس أنت والله كل الناس فعيوني

and

يكفيني أن أنت لا من قلت : وشلونك

تطيب كل الجروح ويختلف لوني

ننتظر جديدك

يسلموو خيتو ع الأبيات الروعه