ياحلو رقمك اذا دقيت ياخلي !
وياحـظ من بان رقمك في وسط جواله
كنه يرحب جهازي فيك ويهلي !
وكن اتصالك يامحبوبي على باله
يفز قلبي اذا منك تبين لي !
ولو مابه ابراج غصب يصفي ارساله
وكن الفرح والسعد والخير يقبل لي !
واقول ياحي محبوبي وياحي فاله
ولو كنت زعلان من شانك ومتغلي !
غلاك يجبرني اجاوبك في اي حاله
لا قلت لي كيف حالك يابعد من لي !
نسيت انا الضيق بالوانه واشكاله
صوتك يبعد هموم القلب ويسلي !
ويزيد شوقي على المحبوب وامثاله
وغيرك اذا دق قلنا خله يروح !
ندق رقمه ايلا منا فضينا له