sms ضمني بالحضن sms

في ذمتك ما كني البارح غفيت؟؟
في ذمتك ما كني البارح ((دفيت))
في ذمتك ماكن عيني البارحة غمضت عن غيرتي؟؟
و ما كنها قبل الغموض كانت تشكل حيرتي!
وترسم لعطرك سيرتي..
مره نثر
ومره شعر
أخاف أضيعك بداخلي
و أدورك بداخلي
وألقاك بروحي
غفيت..
ولميت لك (( بردي )) شعر
في ذمتك من قالك إني بكيت؟
أذكر أني بس غفيت
سامحني غفيت .....
°•.ღ.•°
ضمني بالحضن عن(( برد الشتاء))
و((دفني)) لا صارت الدنيا ((جليد))
ضمني بيدين مليانة(( دفا))
وأعطني حبك وغيره ما أريد
لا متى بصبر حبيبي لا متى ..؟
وأنت عن عيني بعيد؟؟
ما أهتني نومي ولا جفني غفا
اشتعل بركان وأشواقي تزيد

حبيبي ما زرعت لك الشجر في داخلي من شان
تجي تأخذ من أعماقي ثمر وتغيب عن عيني !
أنا لولاي أحبك ما جعلت من الضلوع أغصان ..
ولا علقت عُشك في حشاي وقلت : (( عِش فيني ))
حبيبي ليه في فصل( ( الجليد ) ) تقاطع البستان ؟
وتتركني لـ وحدي و((الصقيع)) يقطّع إيديني
وإذا راح ((الشتاء)) والثلج هرول وأورق الرمان
تجي تقطف ثماري ثم تستنزف شراييني ؟
°•.ღ.•°
أجيك كلي وأدوخ بضحكتك كلي...
وأموت في لهفتك و أتلحف جنونك
لا غاب طيفك أنا يا منيتي من لي؟؟
يجرحني ((البرد)) و تدفيني عيونك
°•.ღ.•°
غربه و((ثلج)) شعور وأنفاس دخان
تجتاحني والليل لـ الليل يشكي !
ليلي كِذا بـ ألوان ولا بلا ألوان
لو يحترق صمتي عليه بـ يبكي !
ممكن مـا عرفك ؟ لكن الصدق : عنوان
ممكن أعيشك ؟ لكن شلون بـاحكي .!
°•.ღ.•°
تمادى في ابتكار ((البرد)) و المنفى
تمادى و أتمادى في خيالاتي
بـ صورك ((دفئ )) أحضان لين أغفى
أو أنسج سيرتك موطن لـ آهاتي
أو استنزف طيوفك و الطيوف أوفى
وأضمد بـ اللقا يا المبعد ذاتي
°•.ღ.•°
أنتظرتك...
ليه طولت الغياب؟؟؟
وأنت .. لا من غبت لحظــــــــات ..
أفقدك سيد الإحساس
حسك كيف غاب؟؟
كيف عن ((دافئ)) شعوري يبعدك!!!
في ضلوعي .. ((بــــــرد))
وفي عيني .. سراااب
وألف طارئ عن غرامي ينشدك
°•.ღ.•°
((حطب)) الفرح غض ..
و((جمر)) الحزن حراااق
والموت ما ينتظر صدفة لقا أو حظ
وقبل الوهن يكتظ
وشعري سواده يحتظر
خلنا نسبق وقتنا
(( ترى العمر سرااااق ))
°•.ღ.•°
هذاك لو قال ((الشتاء )) صيف .. عرقت
ولو قال صيفي(( برد)) .. شبيت ناري
°•.ღ.•°
ذَهَب كل الكلام وفضته يوم السكوت نـحاس
قبل ما أشوفك أ شوفك نهر من منبع عــذوبة
أحبك من زمان(( البرد)) .. أحبك من زمان اليأس
كثر ما أصحى من أيام الوله وأدخل فـ غيبوبة
تجي مثل العزا بعد العزا في غيبة الأعراس
وتروح أشبه بـ دمعة فـ الورق بـ الصمت مكتوبة
°•.ღ.•°
الحب ..
يضحكنا
يبكينا
يسعدنا
ويشقينا
ومن ذاق الهوى ما تاب
ولا ينفع ملام وعتاب
صحيح إن الهوى غلاب
ومن حب الهوى مره
يضل مرهون تحت أمره
على حلوه
على مره
على(( برده))
على ((جمره))
°•.ღ.•°
يالغايب الحاضر معي وسط الأفكار
يالمرتوي منّي .. وأخايل سرابك
أنت (( المطر)) وأنت (( البَرَدْ)) وأنت الأنهار
و شلون أضما بوقفتي عند بابك .؟
و إنت الفضاء يا لرحب .. والباقي أسوار
أضيق فيهم و أتفيّا سحابك
°•.ღ.•°
شوف انكسار الورد .. نبَّـت على يدي
((دفئ)) جمود(( البرد)) ... و اشعلني بجوفه
ما قلت لك يا قلب .. تحلم على قدي
حلمك خذلني و حط خوفي على خوفه
°•.ღ.•°
غفيت وبعض نظراته علي
وكل نظراتي عليه
وش أسوي؟؟
أشوفه في الزوايا وفي الطريق
في ثنايا .. (( برد)) ليلي .. والحريق
في حنايا..قلب غافي..ما يفيق
صاحبي.. قلّي شسوي؟؟
يتبعني خياله
يبتسم لي ثم يتركني ويرحل
كن هالدنيا له لحاله
ما رحمني و لا رحم حالي
صاحبي أرجوك قلّي شسوي؟
لا جرحته و استثارت هالعروق
وش أسوي؟؟

°•.ღ.•°
تركتني (( لبرد )) الطريق
وأنا على بابك...
أتذكر أنك قلت لي:
بالله وش جابك؟؟؟؟
°•.ღ.•°
جيت لك من(( جمر)) الشوق متحمي
كـل ما((تبـرد)) طعونـي ضمهـا
جيت لك و اقصى معاليقي تومي
هـم يخطيهـا وهـم يخمـهـا
إن ضميت أشرب سواليفك بدمي
وإن تثاقلـت الـدروب ازمهـا
وإن خذتك مني عين ما تسمـي
العـن الدنيـا و أبوهـا و أمهـا
°•.ღ.•°
خذني بحضنك يآ آآه مبطي ما غفيت
وأن لمحت دموع عيني سو نفسك مالمحت
خذني بحضنك وبعثر في جروحي وإن قضيت
هزلي كتفي وقلي عيب تبكي لو سمحت
ضمني يمك وضحكني لا من بكيت
ودي أذكر كيف كانت ضحكتي لا من فرحت
°•.ღ.•°
ليتني قطرة (( مطر ))
وأنزل على باب بيتك
وليتني نسمة هوا
كل ما اشتقت لك جيتك

كلام حلو

يسلموووو

ينقل الي منتدى الرومنسية

عدد الرسائل : 593 تاريخ التسجيل : 11/09/2008

يسلموووووووو
جيت ابكتب اروع ما عجبني
لقيت كل كلامك روووعه
يسلمووووووو (كــل الغــلا)

وننتظر جديدك

عدد الرسائل : 636 تاريخ التسجيل : 19/09/2008

تسلمي اختي على المشاركه الحلوه ومشكوره على الكلمات الجميله الراقيه وننتظر جديدك
مع تحياتي

عدد الرسائل : 611 تاريخ التسجيل : 10/10/2008

مشكوره كلا الغلا والله حلو كلامك ننتظر جديدك ودمتي بود